Jamita Parpunguan Borngin Ujung taon 31 Desember 2011 Lukas 12 : 35 – 40

Jamita Parpunguan Borngin Ujung taon 31 Desember 2011

Lukas 12 : 35 – 40

Patujolo

Sahat ma hita nuaeng di sada ambang batas ni partingkian, sian taon 2011 naeng mambongoti taon na imbaru taon 2012. Molo salpu sada taon sasintongna na laho paingothon hita do i, nunga moru umurta, jala nunga lam jumonok hita tu ujung ni ngolunta sian portibi on. Ai na mardalan tu jolo do partingkian i, ndada na mulakulak. Ido umbahen didok Parjamita 3, na martingki be do luhutna na masa di hasiangan on.

Jamita Minggu 25 Desember 2011 (Natal I) 1 Johannes 3 : 1 – 6

Patujolo :

Ari na balga do sadarion di saluhut halak Kristen di sandok portibi on. Didok ari na balga, ala jumpang ma musengani di hita parningotan di hatutubu ni Tuhan Jesus Kristus. Ndang habilangan hita be ra manang naung piga hali itahalashon angka pesta natal mamungka adong hita di portibi on sahat tu sadari on,  isarani : natal di huria, STM, punguan marga, dna. Alai nang pe so habilangan hita be i, boha do ulaning panghorhon ni natal i dingolu naung tabolus?. Manggunjal dope ulaning roha parbagasanta ganup itahalashon pesta natal i. Jala aha do sasintongna panghorhon hatutubu ni Jesus i dinglu ni angka na porsea. Angka ima sipahembangonta marhite hatorangan jamita di Minggu Natal na parjolo sadarion.

JAMITA MINGGU ADVENT IV , 18 DESEMBER 2011 LUKAS 1 : 39 – 45

Patujolo :

Parjumpangan ni si Maria dohot si Elisabeth do na gabe jamita di minggu advent na parpudi manang paopathon andorang so natal. Molo sian hadagingon, adong do hubungan na mar keluarga antara si Maria dohot si Elisabeth. Alani do ra, dung dibege si Maria naung gabegabean si Elisabeth naung godang umurna i, pintor laho do ibana manopot. Aha do na boi gabe jamita sian parjumpangan ni na dua parompuan on? On ma sipahembangonta marhite hatorangan ni jamita on.

JAMITA MINGGU ADVENT III , 11 DESEMBER 2011 LUKAS 3 : 11 – 14

JAMITA MINGGU ADVENT  III , 11 DESEMBER 2011

LUKAS 3 : 11 – 14

Patujolo :

Sada ondolan ni jamita na sai diondolhon diganup minggu mingu Advent, ima : “ Hamubaon ni roha “. Hamubaon ni roha na manghorhon tu haluaon na manongtong. Asa ido nang na sinoarahon ni Johannes anak ni si Sakaria di turpuk on.  Johannes Pandidi manopot sandok luat humaliang batang aek Jordan jala manjamitahon pandidion hamubaon ni roha, laho pasesahon dosa (ay.3), jala jotjot do digoari angka jamitana i, isara ni soara na manjoujou di halongonan, asa pature dalan di Tuhan i, jala pahornop sidalananNa. Antong marhite aha do tatomu haroroNa i? asa ido nang sungkun sungkun ni angka natorop di patujolo ni turpuk on, na mandok : Dia do sibahenonnami?. Alus na i ma naeng berengonta marhite turpuk on.

JAMITA MINGGU ADVENT II, 04 DESEMBER 2011 JESAYA 63 : 15 – 19 ; 64 : 1 – 3

Patujolo :

Asa ummura antusanta turpuk on, ingkon jahaonta do nian mamungka sian ayat na dijolona. Molo tajaha angka hatorangan di jolo ni turpuk on sian ayat 10 – 14, dipaboa do angka pangalaho ni bangso Israel na manggunturi manang na memberontak nang mangarsahi Debata, marhite na marbalik sian dalan ni Debata. Hinorhon ni i, dipalalu Debata ma rimasNa tu angka na lilu i. Tung hansit do pambebeon ni rimas ni Tuhan i dohot tujuan, ndada asa laos mate bangsoNa i, alai asa muba do jala mulak nian muse tu Debata.

JAMITA MINGGU UJUNG TAON HURIA, 20 NOPEMBER 2011 MATEUS 12 : 33 – 37

Patujolo :

Ari na balga do minggu on mangihuthon kalender parhuriaon, ai minggu on ma na gabe pangujungi ni angka minggu, jala mamungka tu minggu na mangihut masuhanta ma taon baru huria, ima marhite angka minggu minggu advent. Somal do disosoi di minggu ujung taon on taringot tu na marujung do muse hita sian portibi on, tarida ma i marhite na sai dipatupa angka huria parningotan diangka dongan naung jumolo monding. Asa molo ditaringoti pe angka na monding, ndada na laho manungguli arsak ni angka sisolhot, alai asa lam adong do pangarimangion di hita taringot tu angka pangalahonta, asa marhite i adong nian hamubaon ni roha, ai ndang laho manongtong hita di portibi on.

JAMITA MINGGU 21 DUNG TRINITATIS ; 13 NOPEMBER 2011 Mateus 10 : 34 – 37

Patujolo :

Molo adong sungkun sungkun taringot tu hinatabo ni gabe halak Kristen, boi do tubu angka alus na marasing. Adong ma na mandok tabo jala sonang gabe halak Kristen, alai adong do ra na mandok ndang satorusna tabo gabe halak Kristen. Sasintongna molo bagas do pangantusionta taringot tu hakristenon, ndang hea diparbaga Jesus Kristus na ingkon tongtong tabo jala sonang molo gabe siihuthon Ibana hita di portibi on. Hea do memang didok Jesus, ro ma hamu tu au angka na loja jala na sorat, hupasonang pe hamu. Sada jaminan do i memang paboa na boi do Jesus mangalehon hasonangan tu hita. Alai di angka ayat na asing hea do muse didok Jesus, paboa nasa na mangihuthon Ibana ingkon rade do mamorsan silang. Silang dison manggombarhon sitaonon manang parungkilon do i humonghop Ibana.