JAMITA MINGGU JUDIKA, 25 MARET 2012, JOHANNES 12 : 20 – 33

Patujolo
Turpuk on ima ulaon ni sisean ni Debata namamboan bangso na asing (asing sian bangso Jahudi) ro manjumpangi Tuhan Jesus. Hajujumpang ni halak Yunani tu Jesus gabe mangkhorhon hasasahat barita na uli i tu halak na sing diluar ni halak Jahudi. Boha do tutu dihakristenan sandiri? Manang na holan dibagasan ni halak Kristen i do simpan haporseaon i? Manang na holan dibagas joro i do begeon barita na uli i? Tarbege manang tarbarita do asi dohot holong ni roha ni Tuhan i tu sandok hangoluan ni naporsea i marhitehite hangoluan ni halak naporsea i?

JAMITA MINGGU LETARE, 18 MARET 2012 PSALMEN 107 : 1 – 3 , 17 - 22

Patujolo :

Adong sada pandohan na mandok : “ Jika kita mau menerima, maka seharusnya kita juga harus mau memberi “. Molo olo do hita manjalo, hita pe antong ingkon ma nian olo mangalehon. Pandohan on do manggombarhon isi ni turpuk on. Turpuk on ima ende hamauliateon ni angka na dapotan haluaon hinrohon ni asi dohot holong ni roha ni Debata. Dirajumi par psalmen on do paboa na marulak ulak do Debata papatarhon asi ni rohaNa jala patupahon angka halongangan di parngoluon ni jolma. Jala asi ni roha na pinatuduhon ni Debata dison, mangigil pamujion sian jolma na pinaluaNa i.