(amanta/inantana) di
na sahali Mamoholi tu huta ni
borunasida.
Dao do
sidalanannasida i adong do hirahira 11 km.
Jadi sogot do nasida
borhat manganangkohi lereng
(sepeda) nasida naung
matua i.
Mandapothon huta ni
borunasida i, mamereng ma
amanta i tu pudi hape
... ndang diboncengan ni lereng
i be inanta i. Ro
sungkunsungkun tu rohana : Tu dia
ma ulaning laho
inanta on, sadihari jala di dia ma
nangkin dibuat
sihulambak ibana? ninna rohana.
Di bagasan gok ni
pamingkirion, digohet ma lerengna
on mulak tu pudi.
Nasa jolma na jumpangsa di dalan
i disungkun : Adong
dibereng hamu nangkin
hubonceng inanta
jabunami?
Sian sungkunsungkun
ni amanta on mansai
maol do alusan ni na umbegesa.
Boi do dohonon ni na
deba na hurang roha amanta
on. Alai ala sai
lohot tu rohana parmago ni inanta i,
gabe sai sihulambak
do didok manghindat sian
boncengan ni lerengna
i, i do umbahen na songon i
sungkunsungkunna.
Parpudi disungkun
ibana ma sahalak parkode na
tongon halak Jawa
didok ma : Bang ! Bang ! Ada kau
tengok tadi isteriku
kubonceng? ninna songon na
perek iluna.
Dialusi parkode i ma
ibana ninna, “Mana ku tau
entah kapan isterimu
kau bonceng!”
Mulak ma amanta i di
bagasan lungun ni roha, hape
ndang sadia dao sian
kode i diida ma inanta i mullop
manghunti tandok
huhut sai dinunuti mardalan.
Hamu dongan panjaha!
Di dia do parpeut ni inanta
on? Toho do na
dihandit sihulambak? Alusna :
Ndang. Nunga 3 ari
halak on na so masiantoan di
jabu, asa boi pe
nasida laho mamoholi holan ala ni
panghataion dohot
ianakhonna nama. Toho do nasida
rap borhat sian jabu,
jala tangkas do nangkok inanta i
tu boncengan ni
amanta i. Alai laho ruar sian huta
nasida i tar nangkok
tuat do dalan i. Manghasiati
amanta i turun ma
inanta i so pamotoan ni amantana.
Salpu dalan na
marnangkok i ndang pola mamereng
amanta i tu pudi ai
songon na maila ibana antong
molo pajumpang
simalolong nasida, jala ndang pola
dihilala parturun ni inanta
i. Ditustus ma dalanna
dietong ibana ma
hajagoonna na mendaki i, ai boi
tolhas ibana di
rohana so pola turun manganangkohi
dalan i.
Tarhatotong nasida
satongkin di parjumpangan di
tongan dalan i,
ujungna masijalangan nasida, tar
songon parjumpangan ni
porhis di tongan dalan.
Nunga dirimpu inanta
i naung gotos roha ni amanta i
di panadinghonna di
tongan dalan i. Ro tu roha ni
amanta i: Tuani ma
dipalua sihulambak i inanta on
gabe boi muse
pajumpang, hape ndada i.
Hamu dongan panjaha,
na boi tubu do hamaolon
dohot surasura ni
roha molo so masiantoan be ama tu
ina di bagasan
keluarga. Tutu sai adong do
panghurangi ni roha
ni ama - ina di bagasan keluarga
alai unang ma gabe tu
na so masiantoan manang na
marpigapiga ari.
Boi do tading ina
(mago) sian boncengan (holong) ni
ama molo so
marsiantoan be. Jala na boi masa do gok
halojaon dohot ila
molo so marsiantoan ama dohot
ina di sada bagas.
Hamu angka ama, ina :
Unang sang Mintop mata ni
ari so mombun
rimasmuna. Unang tung halupahon
poda di tingki pamasumasuon
parrumatanggaon i.
Tidak ada komentar:
Posting Komentar